پاکستان کرکٹ بورڈ  کی جانب سے ملازمین کے نوکری سے برطرفیوں کے نوٹسز واپس لے لیے گئے ہیں۔

 چیف ایگزیٹیو  پی سی بی وسیم خان نے کہا کہ ذمہ دار ادارے کی حیثیت سے ہم  نے اپنے فیصلےکا دوبارہ جائزہ لیا اور نظرِ ثانی کی ہے۔

 دوسری جانب سابق فاسٹ بولر تنویر احمد نے پی سی بی کو شدید تنقید کا نشانہ بناتے ہوئے کہا کہ عجیب فیصلوں نے پی سی بی کو مذاق بنادیا ہے۔

چیف ایگزیٹیو پاکستان کرکٹ بورڈ  وسیم خان نے  فارغ کیے گئے تمام ملازمین کی  نوکری واپس بحال ہونے کی تصدیق کردی، اپنے بیان میں انہوں نے کہا ہے کہ  اسٹاف کی زیادتی موجودہ بورڈ کے لیے طویل مدتی پائیداری کا مسئلہ ہے اور اسٹاف کم کرنے کیلئے وقت کا چناؤ بہت اہم ہے، طریقہ کار اور ذرائع مواصلات میں بہتری کی ضرورت تھی۔

دوسری جانب سابق فاسٹ بولر تنویر احمد نے  پی سی بی پر شدید تنقید کی اور اپنے ویڈیو پیغام میں بو لے  عجیب فیصلوں نے پی سی بی کو مذاق بنادیا ہے،  ایسے لگتا ہے یہ پاکستان کا نہیں بلکہ گلی محلے کا کوئی ادارہ ہے۔

یاد رہے کہ پاکستان کرکٹ بورڈ نے تمام پچپن ملازمین کے کنٹریکٹ میں  رواں برس اکتوبر تک توسیع کردی ہے۔