پاکستان کرکٹ بورڈ نے (پی سی بی) نے تصدیق کی ہے کہ پانچ ریزرو کرکٹرز اور منیجمنٹ کے ایک رکن کے کورونا وائرس ٹیسٹ مکمل کرلیے گئے ہیں۔

پاکستان کرکٹ بورڈ نے (پی سی بی)   کی جانب سے جاری کردہ پریس ریلیز میں بتایا گیا کہ پانچ ریزرو کھلاڑیوں میں بلال آصف، عمران بٹ، محمد نواز، موسیٰ خان اور روحیل نذیر شامل ہیں۔

اس کے علاوہ منیجمنٹ کے ایک رکن، مساجر محمد عمران کا بھی کورونا وائرس کا ٹیسٹ کیا گیا ہے۔

بلال آصف، عمران بٹ، موسیٰ خان اور محمد نواز کو پہلے ہی دورہ انگلینڈ کے لیے اعلان کردہ 4 ریزرو کھلاڑیوں میں شامل کرلیا گیا تھا تاہم محمد رضوان کی جگہ روحیل نذیر کا بطور بیک اپ وکٹ کیپر اور مساجر ملنگ علی کی جگہ محمد عمران کا بطور بیک اپ مساجر ٹیسٹ کیا گیا ہے۔

Advertisement

THIRD update on players' Covid-19 testshttps://www.bolnews.com/urdu/sports/2020/06/572101/amp/ pic.twitter.com/PRbyMDCmmy

— PCB Media (@TheRealPCBMedia) June 25, 2020

یاد رہے کہ  قومی اسکواڈ کی ٹیسٹنگ کے پہلے مرحلے میں وکٹ کیپر محمد رضوان اور مساجر ملنگ علی کے کورونا وائرس ٹیسٹ مثبت آئے  تھے۔

آج اسکواڈ میں شامل 18 کھلاڑیوں اور منیجمنٹ میں شامل 11 اراکین کی کورونا ٹیسٹنگ کا دوسرا مرحلہ  بھی مکمل کرلیا گیا جبکہ پہلے مرحلے میں مثبت نتائج آنے والے 10 کھلاڑیوں اور منیجمنٹ کے ایک رکن کا دوسرا ٹیسٹ 26 جون بروز جمعہ کو ہوگا۔

پی سی بی تمام ٹیسٹ کے نتائج کا اعلان 27 جون بروز ہفتے کو کرے گا۔ اس وقت تک پی سی بی اس حوالے سے مزید کوئی تبصرہ نہیں کرے گا۔