کرکٹ آسٹریلیا نے رواں سال ٹی ٹوئنٹی ورلڈ کپ  کے منصوبے  کو ’غیر حقیقی ‘قرار  دے دیا۔

تفصیلات کے مطابق کرکٹ آسٹریلیا کے چیئرمین ارل ایڈنگز نے عالمی  وباء کورونا وائرس کے  باعث رواں برس آسٹریلیا  میں شیڈول ٹی ٹوئنٹی ورلڈ کپ  کے انعقاد  کو ’غیر حقیقی‘قرار دے دیا ہے ۔

ارل ایڈنگز  کا کہناہے کہ اکتوبر نومبر میں آسٹریلیا میں شیڈول ورلڈکپ ایک برس کے لیے ملتوی ہو سکتا ہے۔ کرکٹ آسٹریلیا نے انٹرنیشنل کرکٹ کونسل (آئی سی سی)  کو متعدد آپشنز پیش کیے ہیں۔

چیئرمین کرکٹ آسٹریلیا  کا کہنا تھا کہ  اگرچہ رواں برس  شیڈول ٹی ٹوئنٹی ورلڈکپ کو ابھی تک باضابطہ طور پر ملتوی نہیں کیا گیا ہے اور 16 ممالک کے لوگوں کو  آسٹریلیا میں داخل کرنے کی ممکنہ کوشش  کی جارہی ہے ۔

انہوں نے کہا کہ ان 16 ممالک میں سے بیشتر ابھی بھی کورونا وائرس کی شدید لپیٹ میں ہیں  تو ایسے میں مجھے لگتا ہے کہ یہ غیر حقیقت پسندانہ ہے  اور اسے ملتوی کرنا بہت بہتر ہوگا۔

واضح رہے کہ  یہ ٹورنامنٹ 18 اکتوبر سے 15 نومبر تک  آسٹریلیا میں شیڈول ہے ۔