کورونا وائرس سے متعلق طے کردہ ایس او پیز کی خلاف ورزی کرنے پر پی سی بی نے بابر اعظم، امام الحق اور  نسیم شاہ کو وارننگ جاری کردی۔

تفصیلات کے مطابق  پاکستان کرکٹ بورڈ ( پی سی بی )نے کورونا وبا ءسے متعلق ایس او پیز کی خلاف ورزی کرنے والے قومی ٹی ٹوئنٹی اور ون ڈے ٹیم کے کپتان بابر اعظم، اوپننگ بلے باز امام الحق اور نسیم شاہ کو وارننگ جاری کر دی ہے۔

 تینوں کھلاڑیوں کو ہدایت کی گئی  ہے کہ وہ آئندہ محتاط رہیں اور  سماجی فاصلوں کے پروٹوکولز پر سختی سے عملدرآمد کریں۔

پاکستان کرکٹ بورڈ نے مذکورہ کھلاڑیوں کو ہدایت دی کہ وہ گھروں پر ہی اپنی ٹریننگ کا سلسلہ جاری رکھیں اور  آئندہ کسی میدان میں بیٹنگ یا بالنگ پریکٹس کرنے کا خطرہ مول نہ لیں۔

واضح رہے چند روز قبل بابراعظم ، امام الحق اور نسیم شاہ  کی کرکٹ گراؤ نڈ میں پریکٹس کرتے ہوئے تصاویر اور ویڈیوز سوشل میڈیا پر وائرل ہوئی تھیں جس کا کرکٹ بورڈ حکام نے نوٹس لیا تھا۔