انگلینڈ کے خلاف سیریز کے لیے محمد عامر کا نام ٹیم میں شامل کیے جانے پر غور کیا جارہا ہے۔

ذرائع کے مطابق  حارث رؤف کا کورونا ٹیسٹ مثبت آنے کے بعد  ٹیم منجمنٹ  نے محمد عامر  سے رابطہ  ہوا  ان کی دستیابی کے بارے میں پوچھا  ہے۔

ذرائع کا کہنا ہے کہ  محمد عامر نے اپنی دستیابی ظاہر کری ہے جس پر مینجمنٹ نے انہیں تیار رہنے کا کہا ہے۔

قومی کرکٹر حارث رؤف کا ایک کورونا ٹیسٹ منفی آنے کے بعد دوبارہ پازیٹو آگیا ہے  جس کے بعد پی سی بی نے حارث رؤف کو دوبارہ گھر بھیجوا دیا ہے۔

اس سے قبل ٹیسٹ منفی آنے پر حارث رؤف کو لاہور طلب کیا گیا تھا۔ حارث رؤف کا آئندہ دس روز میں دوبارہ کوویڈ 19 ٹیسٹ ہوگا۔

واضح رہے کہ فاسٹ بالر محمد عامر نے بچے کی پیدائش کی وجہ سے دورہ انگلینڈ سے معذرت کی تھی ۔گذشتہ ہفتے محمد عامر کے گھر بیٹی کی ولادت ہوئی ہے۔