پاکستان کرکٹ ٹیم کے فاسٹ بالنگ کوچ  وقار یونس کا کہنا ہے کہ میرا جنید خان کے ساتھ کوئی جھگڑا نہیں  ہے۔

ویڈیولنک کے ذر یعے میڈیا سے گفتگو کرتے ہوئےقومی کرکٹ ٹیم کے فاسٹ بالنگ کوچ  وقار یونس کا کہنا تھا کہ میری اب وہ عمر نہیں کہ میں جنید خان  یا کسی کے بھی ساتھ جھگڑا رکھوں ۔

بالنگ کوچ نے کہا کہ میری ایسی عادت نہیں کہ کسی کھلاڑی کے ساتھ ذاتی ایشو ز رکھوں۔

وقار یونس نے کہا کہ  مصباح الحق  قومی ٹیم کا ہیڈ کوچ بھی ہے اور چیف سلیکٹر بھی ، وہ سبھی کو نظر میں رکھتا ہے۔

محمد حفیظ اور شعیب ملک سے متعلق سوال پر وقار یونس کا کہنا تھا کہ ان دونوں کو خود فیصلہ کرنا ہے کہ مزید کھیلنا ہے یا ریٹائر ہونا ہے۔