نیشنل ٹی ٹوئنٹی کپ میں ناقص کارکردگی پر عمران فرحت اور راحت علی سمیت کئی سینئر کھلاڑیوں کو ڈراپ کردیا گیا۔

تفصیلات کے مطابق اوپننگ بلے باز   عمران فرحت کو  ناقص کارکردگی کی بناء پر بلوچستان ٹیم سے ڈراپ کردیا گیا ہے۔ ان کی جگہ عبدالواحد بنگلزئی کو اسکواڈ میں شامل کرلیا گیا  ہے۔

سدرن پنجاب کی ٹیم نے بلاول بھٹی، محمد عرفان اور راحت علی کو ڈراپ کردیا ہے۔ان کی جگہ   دلبر حسین، محمد عمران اور زین عباس کو اسکواڈ میں شامل کرلیا گیا ہے۔

سینٹرل پنجاب کے ہیڈ کوچ نے بھی فرسٹ الیون اسکواڈ میں ایک تبدیلی کا فیصلہ کیا ہے۔  آف اسپنر بلال آصف کی جگہ سیکنڈ الیون کےٹاپ آرڈر بیٹسمین محمد اخلاق  کو ٹیم  میں شامل کیا گیا ہے۔

دوسری جانب ناردرن اور خیبر پختونخوا سمیت سندھ نے اپنے اسکواڈ زمیں کوئی تبدیلی نہ کرنے کا اعلان کیا ہے۔