قومی کرکٹ ٹیم کے کپتان بابر اعظم پر لاہور کی رہائشی لڑکی نے جنسی ہراسانی کا الزام عائد کردیا۔

تفصیلات کے مطابق  لاہور پریس کلب میں پریس کانفرنس کرتے ہوئے حامزہ مختار نامی لڑکی کا کہنا تھا کہ بابر اعظم دس سال سے مجھے شادی کے نام پر جنسی ہراسگی کا نشانہ بنارہے ہیں۔

حامزہ مختار کا مزید کہنا تھا کہ  دس سالوں میں بابر اعظم نے مجھ سے کروڑوں روپے بھی لیے جس میں سے ابھی تک ایک روپیہ بھی واپس نہیں کیا۔

https://www.bolnews.com/urdu/wp-content/uploads/2020/11/Babar-Azam.mp4?_=2

حامزہ مختار نے کہا کہ  بابر اعظم کی فیملی ان پر ایک روپیہ خرچ نہیں کرتی تھی،وہ کئی سالوں تک مجھ سے اپنا جیب خرچ تک لیتے رہے لیکن   جب سے بابر اعظم قومی کرکٹ ٹیم کے کپتان بنے ہیں تب سے مجھ سے رابطہ نہیں کررہے۔

انہوں نے مزید کہا کہ   میں نے بابراعظم کےخلاف  تھانہ نصیرآباداور پی سی بی امیں بھی کاروائی کی درخواستیں دیں لیکن ابھی تک ان کے خلاف کوئی ایکشن نہیں لیا گیا ہے ۔

حامزہ مختار نے مطالبہ کیا ہے کہ پاکستان کرکٹ بورڈ فوری طور پر بابراعظم کےخلاف ایکشن لیتے ہوئے اسے کپتانی سے ہٹائے ورنہ میں پی سی بی کے دفتر کے باہر خود سوزی کرلوں گی۔