سری لنکا کی   لنکا پریمیئر لیگ کے لیے پاکستان کرکٹ بورڈ(پی سی بی )کو این او سی کی درخواستیں موصول ہوگئیں۔

تفصیلات کے مطابق   پانچ قومی کھلاڑیوں نے پاکستان کرکٹ بورڈ(پی سی بی )سے سری لنکن لیگ میں شرکت کی اجازت مانگی ہے۔

پی سی بی حکام کا کہنا ہے کہ  دورہ نیوزی لینڈ کے لیے قومی ٹیم کے اعلان کے بعد این او سی دینے کا فیصلہ کریں گے۔ نیوزی لینڈ کے خلاف پاکستان ٹیم کا اعلان 11 نومبر کو ہوگا۔

واضح رہے کہ لنکا پریمیئر لیگ کا آغاز 21 نومبر سے ہو رہا ہے۔ پاکستان ٹیم نے 23 نومبر کو نیوزی لینڈ کے لیے روانہ ہونا ہے۔

لنکا پریمیئر لیگ میں سرفراز احمد ، محمد عامر ، وہاب ریاض  اور شاہد آفریدی سمیت سات کھلاڑیوں نے شرکت کرنی ہے۔