نیوزی لینڈ کے خلاف دوسرے ٹی ٹوئنٹی میچ  کے لیے پاکستان کرکٹ ٹیم کا اعلان کردیا گیا۔

تفصیلات کے مطابق  پہلے ٹی ٹوئنٹی کے بعد پاکستانی ٹیم کے 15 رکنی اسکواڈ میں کوئی تبدیلی نہیں کی گئی تاہم   قومی اسکواڈ میں مزید دو کھلاڑیوں موسیٰ خان اور عثمان قادر کو شامل  کیا گیا ہے۔

آئی سی سی قوانین کے مطابق ٹی ٹوئنٹی میچز کے لیے 17 رکنی اسکواڈ رکھا جاسکتا ہے۔

قومی اسکواڈ میں شاداب خان(کپتان) ، محمد رضوان، عبداللہ شفیق،فہیم اشرف،حیدر علی،حارث رؤف،حسین طلعت،افتخار احمد،عماد وسیم،خوشدل شاہ،محمد حفیظ،محمد حسنین،سرفراز احمد،شاہین شاہ آفریدی،وہاب ریاض،موسیٰ خان اور عثمان قادر شامل ہیں۔

واضح رہے کہ تین ٹی ٹوئنٹی میچز کی سیریز میں نیوزی لینڈ کو 0-1 کی برتری حاصل ہے۔