دورہ نیوزی لینڈ پر موجود قومی اسکواڈ آئسولیشن ختم ہونے پرکرائسٹ چرچ سے کوئنز ٹاؤن پہنچ گیا ہے۔

تفصیلات کے مطابق 14 روزہ آئسولیشن کے دوران 5 پی سی آر ٹیسٹ منفی آنے پر 52   رکنی اسکواڈ کرائسٹ چرچ سے بذریعہ پرواز کوئنز ٹاؤن پہنچا ہے۔

اسکواڈ میں شامل ایک رکن آکلینڈ سے کوئنز ٹاؤن پہنچا جبکہ امام الحق ابھی کرائسٹ چرچ میں آئسولیشن کی مدت پوری کررہے ہیں۔

کوئنز ٹاؤن پہنچنے پر قومی کرکٹ ٹیم اور پاکستان شاہینز کے اسکواڈز اپنے ہوٹلز پہنچ گئے۔

https://twitter.com/TheRealPCB/status/1336215557956378624

دونوں اسکواڈز بدھ سے اپنی ٹریننگ کا آغاز کردیں گے۔

واضح رہے کہ پاکستان ٹیم کو نیوزی لینڈ کے خلاف تین ٹی ٹوئنٹی اور دو ٹیسٹ  میچز کی سیریز کھیلنی ہے۔

ٹی ٹوئنٹی میچز کا آغاز 18 دسمبر سے ہوگا، دوسرا ٹی ٹوئنٹی 20 دسمبر جبکہ تیسرا اور آخری میچ 22 دسمبر کو کھیلا جائے گا۔

دو ٹیسٹ میچز پر مشتمل سیریز کا آغاز 26 دسمبر سے ہوگاجبکہ دوسرا ٹیسٹ میچ 3 جنوری 2021 سے کھیلا جائے گا۔