قومی کرکٹ ٹیم کے کپتان  بابراعظم نیوزی لینڈ کے خلاف دوسرے ٹیسٹ میچ سے باہر ہوگئے۔

تفصیلات کے مطابق پاکستان کرکٹ بورڈ(پی سی بی) نے تصدیق  کی ہے  کہ  پاکستان کرکٹ ٹیم کے کپتان بابراعظم نیوزی لینڈ کے خلاف دوسرا ٹیسٹ میچ نہیں کھیلیں گے۔

ان کی جگہ وکٹ کیپر بیٹسمین محمد رضوان تین جنوری سے ہیگلے اوول میں کھیلے جانے والے میچ میں پاکستان کی قیادت کریں گے۔

کرائسٹ چرچ پہنچنے پر بابراعظم نے گذشتہ روز مکمل نیٹ سیشن کیا تاہم نیٹ کے دوران انہوں نے اپنے ہاتھ کے انگوٹھے میں ہلکا درد محسوس کیا۔

Advertisement

Babar Azam to miss Christchurch Test

More: https://www.bolnews.com/urdu/sports/2021/01/192860/amp/ pic.twitter.com/VcFAgZ19d2

— PCB Media (@TheRealPCBMedia) January 2, 2021

دو جنوری کو کرائسٹ چرچ میں بارش کے باعث بابر اعظم قومی ٹیم کے نیٹ سیشن کے دوران بیٹنگ پریکٹس نہیں کرسکے، لہٰذا ٹیم منیجمنٹ نے کوئی بھی خطرہ مول نہ لینے کا فیصلہ کیا ہے۔

واضح رہے بابراعظم اپنے دائیں ہاتھ کا انگوٹھا فریکچر ہونے کی وجہ سے نیوزی لینڈ کے خلاف ٹی ٹوئنٹی سیریز اور پہلا ٹیسٹ میچ  بھی نہیں کھیل سکے تھے۔