سابق ویسٹ انڈین کپتان ڈیرن سیمی اور سابق جنوبی افریقی بلے باز  ہاشم آملہ نے پاکستان کو ٹیلنٹ سے مالامال ملک قرار دے دیا۔

تفصیلات کے مطابق شالیمار کرکٹ گراؤنڈ  اسلام آباد میں  ہاشم آملہ کے ہمراہ میڈیا سے بات چیت کرتے ہوئے  ڈیرن سیمی  کا کہنا تھا  پاکستان میں ٹیلنٹ کی کمی نہیں ہے ۔پاکستان کو ہر دور میں عظیم کھلاڑی میسر رہے  ہیں۔

ڈیرن سیمی نے مزید کہا کہ  پاکستان میں وقار یونس اور وسیم اکرم کے بہت سے متبادل مل سکتے ہیں ۔

انہوں نے مزید کہا کہ میں فیلڈ میں اپنا کردار ادا کرنا پسند کرتا ہوں، ابھی جو میرا کردار ہے وہ بھی اچھا ہے انجوائے کر رہا ہوں۔

ڈیرن سیمی کا کہنا تھا کہ  نئے بالرز ہیں اچھا ٹیلنٹ ہے مگر میچورٹی ہونا ضروری ہے، بالرز کو مسلسل چانس دینا بھی ضروری ہے۔

ہاشم آملہ کا کہنا تھا کہ پاکستان میں ٹیلنٹ کی کمی نہیں  ہے تاہم سب سے اہم کام ٹیلنٹ کو نکھارنا ہے۔ بہترین اسٹرکچر بین الاقوامی ماحول میسر کرتا ہے۔

انہوں نے کہا کہ  پشاور زلمی کے ساتھ بہت اچھا تجربہ جارہا ہے،ہمیں  بہت کچھ سیکھنے کا موقع مل رہا ہے۔

ہاشم آملہ کا مزید کہنا تھا کہ اسلام آباد آکر اچھا لگ رہا ہے،  محبتوں  کے لیے پاکستان  کی عوام کے مشکور ہیں۔