یورو کپ فٹبال 2020 ٹورنامنٹ کے پہلے  میچ میں اٹلی نے ترکی کو 3 کے مقابلے میں صفر گول سے شکست دے دی۔

تفصیلات کے مطابق اطالوی دارالحکومت روم میں کھیلے گئے یورو کپ فٹبال 2020 ٹورنامنٹ کے افتتاحی میچ میں اٹلی نے ترکی کو 3 کے مقابلے میں صفر گول سے شکست دے دی۔

پہلے ہاف تک میچ بغیر کسی گول کے برابر رہا  تاہم اٹلی کی جانب سے میریح ڈیمیرال نے 53 ویں منٹ میں گول کرکے اپنی ٹیم کو ایک صفر کی برتری دلادی۔

66 ویں منٹ میں کائرواموبائل جبکہ 79ویں منٹ میں لورینزو انسگنے نے گول کرکے ٹیم کی برتری تین صفر کردی جو میچ کے اختتام تک برقرار رہی۔

واضح رہے کہ  کورونا وائرس کی وجہ سے یہ ٹورنامنٹ گذشتہ سال منعقد نہیں ہوسکا تھا جسے اس عالمی وباء کی شدت میں کمی کے بعد اب رواں برس منعقد کیا جا رہا ہے۔

یہ ٹورنامنٹ یورپ کے 11 مختلف شہروں میں کھیلا جائے گا جس میں  24 ممالک کی ٹیمیں شامل ہیں۔