پی ایس ایل6 کے آج ہونے والے واحد میچ میں  ملتان سلطانز اور  لاہور قلندرز  ٹکرائیں گے۔

آج ہونے والے میچ میں  ملتان سلطانز کی کپتانی محمد رضوان کریں گے جبکہ لاہور  قلندرز سہیل اختر  کے زیر قیادت میدان میں اترے گی۔

پلے آف تک رسائی کے لحاظ سے دونو ں ٹیموں کے لئے یہ  میچ انتہائی اہمیت کا حامل ہے، میچ ہارنے والی ٹیم کے لئے ایونٹ  ناک آوٹ کی حیثیت اختیار کرجائے گا جس میں کسی  بھی میچ میں ہارنے کی صورت میں ٹیم ایونٹ سے باہرہوجائے گی۔

ایونٹ کے پوائنٹس ٹیبل پر اسلا م آباد یونائیٹڈ نومیچز سے چودہ پوائنٹس کے ساتھ پہلے نمبر پر ہے جبکہ ملتان  سلطانز کے   آٹھ میچز سے آٹھ  پوائنٹس ہیں۔

اسکے علاوہ کوئٹہ گلیڈی ایٹرز نو میچز سے دو فتوحات کے ساتھ چھٹے اور آخری نمبر پر ہے۔

خیال رہے کہ آج ہونے والی میچ پاکستانی وقت کے مطابق رات نوبجے شروع ہوگا۔