پی ایس ایل 6 کے آج ہونے والے واحد میچ میں ملتان سلطانز اور کوئٹہ گلیڈی ایٹرز ٹکرائیں گے۔

ابوظہبی میں ہونے والا یہ میچ پاکستانی وقت کے مطابق رات 09 بجے شروع ہوگا۔

ایونٹ کے اس سے پہلے ہونے والے میچ میں کوئٹہ گلیڈی ایٹرز نے بائیس رنز سے فتح اپنے نام کی تھی۔

ایونٹ کے پوائنٹس ٹیبل پر اسلا م آباد یونائیٹڈ  آٹھ میچز  سے 12 پوائنٹس کے ساتھ پہلے نمبر پر ہے جبکہ ملتان  سلطانز کے سات میچز سے چھ پوائنٹس ہیں۔

کوئٹہ گلیڈی ایٹرز آٹھ میچز سے دو فتوحات کے ساتھ چھٹے اور آخری نمبر پر ہے۔

دونوں ٹیموں کے لئے یہ میچ پلے آف میں پہنچنے کے اعتبار سے بےحد اہم ہے جبکہ مقابلے میں شکست کی صورت میں  کوئٹہ گلیڈی ایٹرز  کا ناک آوٹ اسٹیج تک  رسائی کا چانس مکمل طور پر ختم ہوجائے  گا۔

آج ہونے والے میچ میں  ملتان سلطانز   کی کپتانی محمد رضوان کریں گے جبکہ کوئٹہ گلیڈی ایٹرز سابق پاکستانی کپتان سرفراز احمد کے زیر قیادت میدان میں اترے گی۔

[amazonad category=”Electronics”]