پاکستان کی قومی کرکٹ ٹیم نے پہلے ٹی ٹوئنٹی انٹرنیشنل میچ میں انگلینڈ کو اکتیس رنز سے ہرادیا۔

تفصیلات کے مطابق پاکستان اور انگلینڈ کے پہلے ٹی ٹوئنٹی میچ میں انگلینڈ نے ٹاس جیت کر فیلڈنگ کا فیصلہ کیا تو پہلے بیٹنگ کے دوران قومی ٹیم نے 233 رنز کا ہدف مقرر کیا۔

پاکستان ٹیم نے بڑا ہدف دینے کے بعد عمدہ باؤلنگ کا مظاہرہ کیا اور بارہ رنز پر پہلے انگلش کھلاڑی کو پویلین بھیج دیا جس کے بعد دوسری اور تیسری وکٹ بھی قومی ٹیم نے جلد حاصل کر کے میچ پر اپنی گرفت مضبوط کرلی۔

لیونگسٹن کی سینچری اور جیسن روئے کے 32 رنز بھی ضائع  گئے اور انگلینڈ کی پوری ٹیم مقررہ بیس اوورز سے قبل ہی 201 رنز پر ڈھیر ہوگئی۔

پاکستان کی جانب سے شاہین شاہ آفریدی اور شاداب خان نے تین، تین وکٹیں حاصل کیں جبکہ عماد وسیم، محمد حسنین اور حارث رؤف نے ایک ایک وکٹ لی۔

اسکے علاوہ اوپنر بابر اعظم نے پچاسی رنز جبکہ محمد رضوان نے تریسٹھ رنز بناکر عمدہ کھیل پیش کیا۔

فاسٹ بالر شاہین آفریدی کو میچ کے بہترین کھلاڑی کا ایوارڈ دیا گیا۔