پاکستانی سابق فاسٹ بولر شعیب اختر نے خواہش ظاہر کی ہے کہ وہ سلمان خان کو اپنا کردار ادا کرتے ہوئے دیکھنا چاہتے ہیں۔

رپورٹس کے مطابق پاکستانی سابق کرکٹر شعیب اختر نے کہا ہے کہ اگر میری زندگی پر فلم بنائی گئی تو میری خواہش ہوگی اس میں شعیب اختر کا کردار بالی ووڈ سٹار دبنگ خان ادا کریں۔

خیال رہے کہ سلمان خان ، شعیب اختر کے پسندیدہ اداکار ہیں اور اس بات کا اعتراف وہ کئی بار کر بھی چکے ہیں۔

حال ہی میں سوال و جواب کے اس سیشن کے دوران ایک مداح نے شعیب اختر سے پوچھا کہ ’بھارت میں آپ کا پسندیدہ اداکار کون ہے؟

جس کے جواب میں شعیب اختر نے بالی ووڈ کے اداکار سلمان خان کی تصویر شیئر کی اور مداحوں کو بتایا کہ سلمان خان ان کے پسدیدہ اداکار ہیں۔

واضح رہے کہ شعیب اختر نے 46 ٹیسٹ اور163 ون ڈے میچز میں پاکستان کی نمائندگی کی جس میں انہوں نے بالترتیب178 اور247 وکٹیں حاصل کیں ہیں۔