بھونیشور: جونئر ہاکی ورلڈ کپ میں پاکستان نے اپنے دوسرے میچ میں مصر کو شکست دے کر پہلا میچ اپنے نام کرلیا ہے۔

جونئر ہاکی ورلڈ کپ بھارت کے شہر بھونیشور میں جاری ہے جس میں پاکستان جونئر ہاکی ٹیم نے اپنا دوسرا میچ مصر کے خلاف کھیلا جو پاکستانی وقت کے مطابق صبح 9 بجے شروع۔

پاکستان جونئر ٹیم نے اس مقابلے میں مصر کو ایک کے مقابلے میں تین گول سے شکست دے دی جبکہ پاکستان کی جانب سے رضوان نے تینوں گول کر کے ہیٹ ٹرک کی۔

واضح رہے کہ جونئر ہاکی ورلڈ کپ میں پاکستان ٹیم کا پہلا مقابلہ جرمنی سے ہوا جس میں جرمنی نے پاکستان کو 5 کے مقابلے میں 2 گول سے شکست دے دی تھی۔

          جرمنی کی جانب سے اسٹروتھ آف، سیج برگ، شوارزہاٹ نے ایک اور شوارزہاٹ نے دو گول کئے جبکہ پاکستان کی جانب سے عبدالحنان اور حماد انجم نے گول ایک ایک گول سکور کئے۔

جرمنی کی جانب سے اسٹروتھ آف، سیج برگ، شوارزہاٹ نے ایک اور شوارزہاٹ نے دو گول کئے جبکہ پاکستان کی جانب سے عبدالحنان اور حماد انجم نے گول ایک ایک گول سکور کئے۔

یاد رہے کہ جونئر ہاکی ورلڈ کپ انڈیا کے شہر بھوبنیشور میں 24 نومبر تا 5 دسمبر تک کھیلا جائے گا جبکہ ایونٹ میں پاکستان جونیئر ہاکی ٹیم سمیت 16 ٹیمیں شرکت کررہی ہیں جنہیں 4 پول میں تقسیم کیا گیا ہے۔

پاکستان جونیئر ہاکی ٹیم کو پول ڈی میں رکھا گیا ہے جس میں ارجنٹائن، مصر اور جرمنی کی ٹیمیں شامل ہیں جبکہ جونئر ہاکی ورلڈ کپ میں پاکستان ٹیم اپنا تیسرا اور آخری پول میچ 28 نومبر کو ارجنٹائن کے خلاف کھیلے گی۔