سابق بھارتی کرکٹر اور بی جے پی کے رکن پارلیمنٹ گوتم گمبھیر کو قتل کی دھمکیاں ملنے کے بعد ان کی سیکیورٹی مزید بڑھادی گئی ہے۔

بھارتی کرکٹ ٹیم کے سابق بلے باز اور بی جے پی کے موجودہ رکن پارلیمنٹ گوتم گمبھیر نے قتل کی دھمکیاں ملنے کے بعد نئی دہلی پولیس سے رابطہ کیا ہے جس میں انہوں نے الزام لگایا کہ انہیں آئی ایس آئی ایس کی جانب سے جان سے مارنے کی دھمکی دی گئی ہے۔

دوسری جانب پولیس کو شکایات موصول ہونے کے بعد انہوں نے گوتم گمبھیر کی رہائش کے باہر سیکیورٹی کو مزید بڑھادیا ہے جبکہ ڈی سی پی سینٹرل کے مطابق انہوں نے اس معاملے کی جانچ شروع کردی ہے۔

رپورٹس کے مطابق گوتم گمبھیر کو جان سے مارنے کا ای میل موصول ہوا تھا۔

واضح رہے کہ گوتم گمبھیر اپوزیشن کو لے کر بیان بازی پر اکثر شہ سرخیوں میں رہتے ہیں جبکہ وہ سال 2019 کے لوک سبھا الیکشن میں مشرقی دہلی پارلیمانی حلقہ سے منتخب ہوئے تھے۔