براعظم افریقا میں کورونا کی نئی لہر کے پیش نظر آئی سی سی ویمنز کرکٹ ورلڈ کپ کوالیفائر ختم ہونے کے باعث پاکستان ویمن کرکٹ ٹیم آج زمبابوے چھوڑ دے گی۔

بول نیوز کے مطابق قومی ویمن کرکٹ تیم اس وقت ورلڈ کپ کوالیفائر کھیلنے کے لئے زمبابوے کے دارالحکومت ہرارے میں قیام پزیر تھی تاہم مقابلے ختم ہونے کے اعلان کے بعد اب قومی ویمن ٹیم زمبوبے سے نمیبیا جارہی ہے۔

پاکستان کرکٹ بورڈ کا کہنا ہے کہ قومی ٹیم اور اس کے ساتھ موجود سپورٹنگ اسٹاف کو نیمبیا بھیجنے کی وجہ مختلف ملکوں کی جانب سے سفری پابندیاں عائد کیا جانا ہے، آئی سی سی عمان سے پاکستان کے لئے فلائٹ کی بکنگ کرا رہی ہے، قومی ٹیم نمیبیا سے عمان پہنچے گی، جہاں سے اسے وطن واپس لایا جائے گا۔

پاکستان ویمن کرکٹ ٹیم کوالیفائر میں شریک تھی، کوویڈ 19 کی نئی قسم کی دریافت کے بعد سفری بندشوں کی وجہ سے آئی سی سی ویمنز کرکٹ ورلڈ کپ کوالیفائر ختم کر دیا گیا ہے۔

آئی سی سی ویمنز کرکٹ ورلڈ کپ کوالیفائر ختم ہونے کے باعث اب پوائنٹس کی بنیاد پر بنگلا دیش، پاکستان اور ویسٹ انڈیز نے آئی سی سی ویمنز ورلڈ کپ 2022 کے لیے کوالیفائی کرلیا ہے۔