سال 2021 میں بابر اعظم نے 2 ریکارڈ اپنے نام کیے جبکہ محمد رضوان نے 3 ریکارڈ اپنے نام کیے۔

سال 2021 پاکستان کرکٹ کی تاریخ کا سنہرہ سال رہا اور رواں سال پاکستان ٹیم نے یادگار فتوحات اور بے شمار ریکارڈز اپنے نام کیے جس میں پاکستان ٹیم کی ٹی ٹوئنٹی میں 20 فتوحات بھی شامل تھیں۔

رپورٹ کے مطابق سال 2021 میں بابر اعظم نے ایک اننگ میں سب سے زیادہ 122 رنز کی اننگ کھیل کر ریکارڈ اپنے نام کیا جبکہ انہوں نے رواں سال فیلڈنگ میں بھی سب سے زیادہ 16 کیچز پکڑ کر ریکارڈ اپنے نام کیا۔

رپورٹ کے مطابق قومی ٹیم کے وکٹ کیپر اور بلے باز محمد رضوان بھی بابر اعظم سے پیچنے نہ رہے اور انہوں نے 22 کیچز پکڑ کر سال کے ٹاپ کیپر کا اعزاز اپنے نام کیا جبکہ محمد رضوان نے رواں سال 22 نصف سنچریاں اور 1 ہزار 326 رنز بناکر پہلے بیٹر رہے۔

علاوہ ازیں بابر اعظم اور محمد رضوان کی جوڑی رواں سال کی سب سے کامیاب جوڑی رہی اور انہوں نے جنوبی افریقہ کے خلاف رواں سال کی بہترین 197 رنز کی شراکت داری قائم کی۔

رپورٹس کے مطابق رواں سال پاکستان ٹیم نے 4 ہزار 20 رنز بنائے جس میں 347 چوکے اور 122 چھکے شامل تھے۔