شعیب ملک اور ثانیہ مرزا کی مزاحیہ ویڈیو سوشل میڈیا پر وائرل ہورہی ہے جس میں شعیب ملک کے تاثرات مداحوں کا مرکز بن گئے ہیں۔

پاکستانی کرکٹر اور سابق کپتان شعیب ملک اور ان کی اہلیہ ثانیہ مرزا اکثر تصاویر و ویڈیوز شیئر کرتے رہتے ہیں جس پر دلچسپ تبصرے بھی دیکھنے کو ملتے ہیں۔

تاہم اب ثانیہ مرزا کی جانب سے سماجی رابطے کی تصاویر و ویڈیو شیئرنگ ایپ انسٹاگرام پر ایک ویڈیو شیئر کی گئی ہے جس میں شعیب ملک کو بھی پیچھے بیٹھا ہوا دیکھا جاسکتا ہے جبکہ اس ویڈیو کے کیپشن میں انہوں نے لکھا کہ شعیب ملک کو ایسا لگتا ہے کہ میں ان کے تاثرات نہیں دیکھ سکتی۔

اس ویڈیو میں ثانیہ مرزا کہتی ہیں کہ آج انہیں ان کے شوہر نے کہا کہ ’تم بہت اچھی ہو‘ جس پر شعیب ملک نے حیرانی کا اظہار کیا، بعد ازاں اپنا جملہ مکمل کرتے ہوئے ثانیہ نے کہا کہ شعیب نے مجھے کہا کہ ’تم بہت اچھی ہو غصہ دلانے میں‘۔

ویڈیو میں دیکھا جاسکتا ہے کہ جیسے ہی ثانیہ نے اپنی بات مکمل کی تو شعیب ملک خوش ہوکر تھمس اپ کیا جس کے بعد ثانیہ مرزا نے کہا کہ میں صرف اچھی بات ہی یاد رکھتی ہوں اور وہ یہ ہے کہ ’میں بہت اچھی ہوں‘۔

دوسری جانب اس ویڈیو پر ردعمل دہتے یوئے بھارتی کرکٹر یوراج سنگھ نے شعیب ملک کو درست قرار دیا ہے۔