قومی ٹیسٹ ٹیم کے بیٹر عابد علی دل کے عارضے میں مبتلا ہوگئے ہیں جبکہ گزشتہ روز ان کی نجی اسپتال میں انجیو گرافی کی گئی ہے۔

قومی ٹیسٹ کے اسٹار بیٹر عابد علی نے دل کے عارضے میں مبتلا ہونے کے بعد اپنے چاہنے والوں کے نام سماجی رابطے کی مائیکرو بلاگنگ ویب سائٹ ٹوئٹر پر ویڈیو پیغام جاری کیا ہے۔

Abid Ali video message for fans #AbidAli pic.twitter.com/lLzAriiDkN

— SportslinkPK (@sportslinkpk92) December 21, 2021

ویڈیو پیغام میں عابد علی کا کہنا تھا کہ ’اللہ کا شکر ہے کہ میں ٹھیک ہوں، انہوں نے کہا کہ ان کا ایک پراسیجر ہونا ہے جس کے لیے دعاؤں کی درخواست ہے جبکہ انہوں نے اپنے لیے خصوصی دعائیں اور نیک خواہشات کا اظہار کرنے پر لوگوں کا شکریہ ادا بھی کیا۔

ویڈیو میں دیکھا جاسکتا ہے کہ قومی کرکٹر اسپتال میں موجود بستر پر موجود ہیں۔

واضح رہے کہ عابد علی دل کے عارضے میں مبتلا ہوگئے ہیں جبکہ گزشتہ روز کراچی کے نجی اسپتال میں ان کی انجیو گرافی کی گئی ہے جس دوران ان کے دل کی شریان میں ایک اسٹنٹ ڈالا گیا ہے۔

خیال رہ کہ گزشتہ دنوں دورہ بنگلادیش کے دوران قومی ٹیسٹ کرکٹر عابد علی نے شاندار کھیل کا مظاہرہ کیا تھا جس کے بعد آئی سی سی نے انہیں پلیئر آف دی منتھ کی کیٹیگری میں بھی شامل کیا تھا جبکہ عابد علی نے چٹاگانگ ٹیسٹ کی پہلی اننگ میں 113 اور دوسری میں 91 رنز اسکور کیے تھے۔

یاد رہے کہ عابد علی 16 ٹیسٹ میچز میں 4 سنچریز اور 3 نصف سنچریز کی بدولت 49 کی اوسط سے 1180 رنز بناچکے ہیں جبکہ انہوں نے 6  ون ڈے میچز میں ایک سنچری اور ایک نصف سنچری کی بدولت 234 رنز بنائے ہیں۔

علاوہ ازیں عابد علی ٹیسٹ اور ون ڈے ڈیبیو میں سنچری اسکور کرنے والے واحد کھلاڑی ہیں۔