کراچی: قومی ٹیم کے سابق کپتان اور وکٹ کیپر معین خان کی اپنے بیٹے کی شادی میں ڈانس کی ویڈیو سوشل میڈیا پر وائرل ہوگئی ہے۔

سابق کپتان معین خان اپنے بیٹے اویس خان کی شادی میں جھومتے دکھائی دیے جس کی ویڈیو سوشل میڈیا پر وائرل ہوگئی جبکہ ویڈیو میں ان کے ہمراہ اداکار علی انصاری بھی موجود ہیں۔

وائرل ہونے والی میں ویڈیو میں دیکھا جاسکتا ہے کہ معین خان کے بیٹے اویس خان کی شیندی کی تقریب منعقد ہوئی جس میں معین خان نے سفید رنگ کا جوڑا اور سرخ کی واسکوٹ زیب تن کررکھی تھی جبکہ انہوں نے پیلے رنگ کا مفلر بھی ڈال رکھا تھا۔

دوسری جانب معین خان کے دوسرے بیٹے اور قومی کرکٹر اعظم خان بھی شادی کی تقریبات میں اپنے دوستوں کے ہمراہ جھومتے دکھائی دیے۔

واضح رہے کہ معین خان کے بیٹے اویس خان شوبز انڈسٹری کی معروف اداکارہ مریم انصاری کے ساتھ رشتہ ازدواج میں منسلک ہوگئے ہیں جبکہ مریم انصارف پاکستان کے معروف اداکار علی انصاری کی بھی بہن ہیں۔

اس شادی کی تقریب میں لیجنڈری کرکٹر وسیم اکریم، اداکارہ صبور علی سمیت دیگر شوبز شخصیات نے شرکت کی تھی، یاد رہے کہ اداکرہ صبور علی، علی انصاری کی منگیتر ہیں۔

خیال رہے کہ اویس خان کی شادی کی تقریبات کا آغاز رواں ہفتے ہوا تھا جبکہ ان کی منگنی رواں سال فرورہ میں ہوئی تھی۔