پی سی بی نے عابد علی کیلئے غیرملکی اسپورٹس کارڈیالوجسٹ سے رابطہ کا فیصلہ کیا ہے۔

پی سی بی (پاکستان کرکٹ بورڈ)  عابد علی کے کریئر کو بچانے کیلئے ان کی دل کی رپورٹس اسپورٹس کارڈیالوجسٹ کو بھجوائی جائیں گی۔

یہ بھی پڑھیں: دل کے عارضے میں مبتلا ہونے کے بعد عابد علی کا بیان سامنے آگیا

ویڈیو پیغام میں عابد علی کا کہنا تھا کہ ’اللہ کا شکر ہے کہ میں ٹھیک ہوں، انہوں نے کہا کہ ان کا ایک پراسیجر ہونا ہے جس کے لیے دعاؤں کی درخواست ہے جبکہ انہوں نے اپنے لیے خصوصی دعائیں اور نیک خواہشات کا اظہار کرنے پر لوگوں کا شکریہ ادا بھی کیا۔

واضح رہے کہ عابد علی دل کے عارضے میں مبتلا ہوگئے ہیں جبکہ گزشتہ روز کراچی کے نجی اسپتال میں ان کی انجیو گرافی کی گئی ہے جس دوران ان کے دل کی شریان میں ایک اسٹنٹ ڈالا گیا ہے۔

خیال رہے کہ گزشتہ دنوں دورہ بنگلادیش کے دوران قومی ٹیسٹ کرکٹر عابد علی نے شاندار کھیل کا مظاہرہ کیا تھا جس کے بعد آئی سی سی نے انہیں پلیئر آف دی منتھ کی کیٹیگری میں بھی شامل کیا تھا جبکہ عابد علی نے چٹاگانگ ٹیسٹ کی پہلی اننگ میں 113 اور دوسری میں 91 رنز اسکور کیے تھے۔