ویسٹ انڈیز اور آئرلینڈ کے مابین آج ہونے والا دوسرا ون ڈے میچ کورونا کے باعث منسوخ ہوگیا۔

کرکٹ ویسٹ انڈیز اور کرکٹ آئرلینڈ نے مشترکہ بیان میں بتایا کہ کنگسٹن کے  سبینا پارک میں  آج 11 جنوری کو شیڈول میچ کورونا کیسز مثبت آنے کے سبب ملتوی کردیا گیا ہے۔

کرکٹ ویسٹ انڈیز اور کرکٹ آئرلینڈ  میچ کے دوبارہ شیڈول کے لیے بات چیت کر رہے ہیں اور سیریز کو مکمل کرنے کے لیے تمام امکانات کا جائزہ لے رہے ہیں۔

Joint statement by Cricket West Indies and Cricket Ireland on postponement of 2nd CG Insurance ODI | Full Statement: https://www.bolnews.com/urdu/sports/2022/01/179874/amp/

Advertisement

— Windies Cricket (@windiescricket) January 10, 2022

مشترکہ بیان میں بتایا گیا کہ  آئرلینڈ کی ٹیم کے پانچ ارکان  کا کورونا ٹیسٹ مثبت آیا ہےجس کے بعد انہیں قرنطینہ کردیا گیا ہے اور وہ طبی ماہرین کی نگرانی میں ہیں۔

واضح رہے کہ پہلے ون ڈے میچ میں ویسٹ انڈیز نے آئرلینڈ کو 24 رنز سے شکست دی تھی۔

ویسٹ انڈیز کی جانب سے ڈیبیو میچ کھیلنے والے شمار بروکس نے 93 رنز کی شاندار اننگز کھیل کر ٹیم کی جیت میں اہم کردار ادا کیا تھا۔