بالآخر نیو کیسل فٹ بال کلب کی انتظامیہ نے ایٹلیٹیکو میڈرڈ سے فل بیک کیرین ٹرپر کو 12 ملین باؤنڈزمیں خرید لیا۔

برطانیہ سے تعلق رکھنے والے فل بیک 31 سالہ کیرین ٹرپر کو نیوکیسل کے نئے سعودی مالک کی خواہش پر خریدا گیا ہے۔

گزشتہ سال نومبر میں نیوکاسٹل فٹ بال کلب کے نئے مینجر مقرر ہونے والے ایڈی ہوئی سے بھی کیرین ٹرپر کی پہلی ملاقات ہو گی۔

کیرین ٹرپر نےلالیگا فٹ بال لیگ کے لئے 2019 میں ایٹلیٹیکو سے ٹا ٹینہم فٹ بال کلب کو جوائن کیا تھا ، یہ معاہدہ 20 ملین پونڈز میں ہوا تھا۔

نیو کیسل کے نئے کوچ سے ان کے تعلقات کا آغاز بہت جلد ہونے والا ہے، کیرین سے معاہدے کے وقت وہ برنلے میں تھے۔

فل بیک ٹرپر نے اسپینش کلب کے لئے 83 میچز میں حصہ لیا اور اپنے کلب کی لالیگا کے گزشتہ سیزن میں کامیابی میں اہم کردار ادا کیا تھا۔

برطانوی فل بیک 2020 میں یورو کپ میں بھی انگلش ٹیم کا حصہ تھے۔

نیو کیسل فٹ بال کلب نے انگلش پریمئیر لیگ کے موجودہ سیزن میں اب تک مایوس کن کارکردگی کا مظاہرہ کیا ہے اور ابھی تک پورے سیزن میں صرف ایک ہی میچ جیتنے میں کامیاب ہوئی ہے۔

آنے والے اتوار کو نیو کیسل کا ایف اے کپ میں کیمبرج یونائیٹڈ سے مقابلہ ہو گا۔