سیریز کے فیصلہ کن ٹیسٹ میچ میں بھارتی ٹیم جنوبی افریقی بالرز کے سامنے بے بس ہوکر 223 رنز پر آل آؤٹ ہوگئی۔

کیپ ٹاؤن میں کھیلے جارہے سیریز کے تیسرے اور آخری ٹیسٹ میچ  میں بھارت نے ٹاس جیت کر پہلے بیٹنگ کرنے کا فیصلہ کیا تو کپتان ویرات کوہلی کے علاوہ کوئی کھلاڑی جنوبی افریقی بالرز کے سامنے زیادہ دیر مزاحمت نہ کرسکا۔

ویرات کوہلی 79 اور چتیشور پجارا 43 رنز بناکر نمایاں رہے۔ریشابھ پانت 27، میانک اگروال 15، کے ایل راہول اور شردل ٹھاکر 12، 12 رنز بناکر آؤٹ ہوئے۔

https://twitter.com/ICC/status/1480922512590520329

اجنکیا رہانے 9،  محمد شامی 7 ، روی چندرن ایشون 2 اور جسپریت بمراہ بغیر کوئی رن بنائے آؤٹ ہوئے۔امیش یادو4 رنز پر ناٹ آؤٹ رہے۔

جنوبی افریقا کی جانب سے کگیسو ربادا نے 4، مارکو جینسن نے 3 جبکہ ڈوین اولیور ، لنگی نگیدی اور کیشو مہاراج نے ایک ایک وکٹ حاصل کی۔

یاد رہے کہ دونوں ٹیموں کے مابین آئی سی سی ورلڈ ٹیسٹ چیمپئن شپ میں شامل تین ٹیسٹ میچز کی سیریز 1-1 سے برابر ہے۔

پہلے ٹیسٹ میچ میں بھارت نے جنوبی افریقا کو 113 رنز سے شکست دی تھی جبکہ دوسرے ٹیسٹ میچ میں جنوبی افریقا نے 7 وکٹوں سے فتح حاصل کی تھی۔