مظفر آباد: چیئرمین کشمیر پریمئر لیگ ارشد خان تنولی نے لیگ سے تنخواہ اور مراعات نہ لینے کا اعلان کیا ہے۔

چیئرمین کشمیر پریمئر لیگ ارشد خان تنولی کا کہنا تھا کہ ’میں اعلان کرتا ہوں کہ میں کشمیر پریمئر لیگ سے کوئی تنخواہ اور کوئی مراعات نہیں لوں گا، یقین دلاتا ہوں کشمیر پریمئر لیگ کے تمام وسائل صاف اور شفاف انداز میں استعمال ہوں گے۔

ارشد خان تنولی کا کہنا تھا کہ چاہتا ہوں میری تنخواہ کی رقم بھی کشمیر میں کرکٹ اور کرکٹ انفراسٹرکچر کی بہتری کے لیے استعمال ہو، کشمیر پریمئر لیگ ایک مشن اور ایک کاز کو نام ہے۔

انہوں نے مزید کہا کہ چیئرمین بننے کے بعد تمام چھ  فرنچائزز نے جس طرح مجھ پر اعتماد کا اظہار کیا اس پر تمام فرنچائز مالکان کا شکر گزار ہوں۔