تیسرے ٹوئنٹی انٹرنیشنل میچ میں ویسٹ انڈیز نے انگلینڈ کو 20 رنز سے شکست دے دی۔

برج ٹاؤن میں کھیلے گئے میچ میں مہمان ٹیم نے ٹاس جیت کر میزبان ویسٹ انڈیز کو پہلے بیٹنگ کرنے کی دعوت دی تو اس نے رومن پاول کی جارحانہ سنچری کی بدولت  مقررہ 20 اوورز میں 5 وکٹوں کے نقصان پر 224 رنز بنائے۔

رومن پاول نے 53 گیندوں پر 4 چوکوں اور 10 چھکوں کی مدد سے 107 رنز بنائے۔نکولس پوران 43 گیندوں پر 4 چوکوں اور 5 چھکوں کی مدد سے70 رنز بناکر نمایاں رہے۔

برینڈن کنگ 10، شائی ہوپ 4 اور فیبین ایلن بغیر کوئی رن بنائے آؤٹ ہوئے جبکہ روماریو شیفرڈ 11 اور کپتان کیرون پولارڈ 9 رنز بناکر ناٹ آؤٹ رہے۔

Advertisement

What a knock from from Rovman Powell! His 1st T20I century earns our #MastercardPricelessMoment. #WIvENG pic.twitter.com/IVtAkWAl5D

— Windies Cricket (@windiescricket) January 27, 2022

انگلینڈ کی جانب سے ریس ٹوپلی،جارج گارٹن،ٹائمل ملز، لیام لیونگ اسٹون اور عادل رشید نے ایک ایک وکٹ حاصل کی۔

ہدف کے تعاقب میں انگلینڈ کی ٹیم ٹام بینٹن اور فل سالٹ کی جارحانہ نصف سنچریز کے باوجود مقررہ 20 اوورز میں 9 وکٹوں کے نقصان پر 204 رنز ہی بناسکی۔

ٹام بینٹن  نے 39 گیندوں پر 3 چوکوں اور 6 چھکوں کی مددسے 73  رنز جبکہ  فل سالٹ نے 24 گیندوں پر 3 چوکوں اور 5 چھکوں کی مددسے 57 رنز کی اننگز کھیلی۔

ان کے علاوہ جیسن روئے 19 ، جیمز ونس 16، لیام لیونگ اسٹون 11، ہیری بروک 10، جارج گارٹن 2، عادل رشید ایک اور کپتان معین علی بغیر کوئی رن بنائے آؤٹ ہوئے۔

A innings I will never forget!#Rpowell52 pic.twitter.com/w0cJAigswX

— Rovman Powell (@Ravipowell26) January 27, 2022

ریس ٹوپلی 2 اور ٹائمل ملز ایک رن بناکر ناٹ آؤٹ رہے۔

ویسٹ انڈیز کی جانب سے روماریو شیفرڈ نے 3، کیرون پولارڈ نے 2 جبکہ شیلڈن کوٹریل، جیسن ہولڈر اور عقیل حسین نے ایک ایک وکٹ حاصل کی۔

رومن پاول کو شاندار سنچری اسکورکرنے پر میچ کا بہترین کھلاڑی قرار دیا گیا ہے۔

اس فتح کے ساتھ ویسٹ انڈیز کو 5 ٹی ٹوئنٹی انٹرنیشنل میچز میں 1-2 کی برتری حاصل ہوگئی ہے۔