سابق بھارتی کپتان مہندرا سنگھ دھونی نے حارث رؤف کو تحفہ دے دیا۔

حارث  رؤف نے سماجی رابطے کی ویب سائٹ ٹوئیٹر بھارتی کپتان مہندرا سنگھ دھونی کی آئی پی ایل فرنچائز چنئی سپر کنگز کی ایک شرٹ کی تصویر شیئر کی۔

پاکستان کے ابھرتے ہوئے نوجوان فاسٹ بالر نے کیپشن میں دھونی کو ’لیجنڈ ‘اور ’کیپٹن کول ‘ قرار دیتے ہوئے  بتایا کہ انہوں نے یہ خوبصورت شرٹ مجھے تحفے میں دی ہے۔

The legend & capt cool @msdhoni has honored me with this beautiful gift his shirt. The "7" still winning hearts through his kind & goodwill gestures. @russcsk specially Thank you so much for kind support. pic.twitter.com/XYpSNKj2Ia

Advertisement

— Haris Rauf (@HarisRauf14) January 7, 2022

دھونی کی شرٹ پر موجود نمبر ’7‘ کو واضح کرتے ہوئے حارث رؤف نے کہا کہ نمبر ’7‘  آج بھی اپنے مہربان اور خیر سگالی  کے جذبے کے باعث دل جیت رہا ہے۔

انہوں نے ٹوئیٹ میں چنئی سپر کنگز کے ٹیم مینجر رسل کا تحفے کے حصول میں مدد کرنے پر شکریہ بھی  ادا کیا۔

واضح رہے کہ حارث رؤف پاکستان کے ابھرتے ہوئے نوجوان فاسٹ بالر ہیں جنہوں نے بہت جلد مختصر فارمیٹ کی کرکٹ میں اپنا نام بنالیا ہے۔

بھارت کے کامیاب ترین کپتان مہندرا سنگھ دھونی اب انٹرنیشنل کرکٹ سے ریٹائر ہوچکے ہیں  تاہم وہ لیگ کرکٹ میں آئی پی ایل فرنچائز چنئی سپر کنگز کی نمائندگی کرتے ہیں۔