میلبورن: پاکستان کے ٹینس اسٹار اعصام الحق میلبورن ٹورنامنٹ کے سیمی فائنل میں پہنچ گئے ہیں۔

خبر رساں ادارے کے مطابق پاکستانی ٹینس اسٹار اعصام الحق کا میلبورن ٹورنامنٹ میں کامیابی کا سفر جاری ہے جبکہ میلبورن ٹورنامنٹ میں اعصام الحق کے ہمراہ قازقستان کے الیگزینڈر نیڈووایسوف موجود ہیں۔

ان دونوں کھلاڑیوں کی جوڑی نے کوارٹر فائنل میں شاندار پرفارمنس کا مظاہرہ کرتے ہوئے درجہ بندی میں چوتھے نمبر پر موجود قازقستان کے اینڈرے گلو بویف اور کروشیا کے ایف شکو گر کوٹائی کو شکست دی ہے۔

دوسری جانب ٹینس اسٹار اعصام الحق نے سال کے پہلے بین الاقوامی مقابلے میں فائنل تک رسائی حاصل کرنے کے عزم کا اظہار کیا ہے۔

واضح رہے کہ میلبورن ٹورنامنٹ کا سیمی فائنل 8 جنوری کو کھیلا جائے گا جس میں اعصام الحق اور الیگزینڈر نیڈووایسوف کا مقابلہ لیتھونیا کے ریکارڈاس بیرانکس اور یوکرین کے ڈینس مولچا نوف سے ہوگا۔