انٹرنیشنل کرکٹ کونسل نے قومی ٹیم کے کپتان بابر اعظم کو سال 2021 کا ون ڈے کرکٹر آف دی ایئر قرار دیا ہے۔

انٹر نیشنل کرکٹ کونسل (آئی سی سی) نے قومی ٹیم کے کپتان اور پاکستان کا فخر بابر اعظم کو گذشتہ سال 6 میچز میں 67.50 کی اوسط سے 405 رنز بنانے پر ون ڈے کرکٹر آف دی ایئر قرار دیا ہے۔

⭐️ Shakib vs Babar vs Malan vs Stirling ⭐️

The winner of the 2021 ICC Men's ODI Cricketer of the Year has been announced ⬇️https://www.bolnews.com/urdu/sports/2022/01/651031/amp/

Advertisement

— ICC (@ICC) January 24, 2022

پاکستان ٹیم نے گذشتہ سال 2021 میں دو ون ڈے سیریز کھیلیں جس میں سے پہلی جنوبی افریقہ اور دوسری انگلینڈ کی ٹیموں کے خلاف کھیلیں۔

بابر اعظم نے جنوبی افریقہ کے خلاف تین میچز میں 228 رنز بنائے جبکہ پاکستان کے جیتنے والے دونوں میچزمیں بابر اعظم کو مین آف دی میچ قرار دیا گیا تھا۔

بابر اعظم نے جنوبی افریقہ کے خلاف ایک میچ میں سنچری جبکہ دوسرے میچ میں 82 گیندوں 94 رنز اسکور کیے تھے۔ علاوہ ازیں بابر اعظم نے انگلینڈ کےخلاف تین میچز میں 177 رنزاسکور کیے تھے جبکہ اس سیریز میں پاکستان کو انگلینڈ کے ہاتھوں تین صفر سے شکست ہوئی تھی۔

واضح رہے کہ ون ڈے پلئیر آف دی ائیر کی نامزدگیوں کے لئے بابر اعظم کے علاوہ بنگلادیش کے شکیب الحسن، جنوبی افریقہ کے ینامن ملان اور آئرلینڈ کے پال اسٹرلنگ کو شامل کیا گیا تھا۔

یاد رہے کہ آئی سی سی نے بابر اعظم کے علاوہ قومی بیٹر و وکٹ کیپر محمد رضوان کو ٹی ٹوئنٹی کرکٹر آف دی ایئر اور ومینز ٹیم کی کھلاڑی فاطمہ ثنا کو ویمنز ایمرجنگ کرکٹر آف دی ایئر قرار دیا ہے۔