پاکستان کرکٹ ٹیم کے باؤلر یاسر شاہ کی مشہور لاہوری ٹک ٹاکر علیزے شاہ کے ساتھ تصاویر وائرل ہوگئی ہیں۔

پاکستان ٹیسٹ ٹیم کے لیگ اسپنر یاسر شاہ کی تصاویر سماجی رابطے کی مائیکرو بلاگنگ ویب سائٹ ٹوئٹر پر شیئر کی گئی ہیں جس میں وہ لاہور کی مشہور ٹک ٹاکر علیزے شاہ کے ساتھ موجود ہیں۔

#YasirShah with Lahore's famous Tiktoker #AlizehShah ❤️ pic.twitter.com/3L4Yzq4sUL

— Showbiz & News (@ShowbizAndNewz) January 2, 2022

یہ بھی پڑھیں: لڑکی زیادتی کیس میں یاسر شاہ کے دوست کی ضمانت منظور

تصاویر میں دیکھا جاسکتا ہے کہ یاسر شاہ کے ہمراہ موجود ٹک ٹاکر نے بھی سرخ رنگ کا لباس اور جیکٹ زیب تن کی ہوئی ہے جبکہ انہوں نے کم کپڑے پہن رکھے ہیں۔

اس تصویر پر ردعمل دیتے ہوئے ایک صارف نے لکھا کہ ’گراؤنڈ میں ان سے کچھ نہیں ہوتا، بس اب یہ اسی لائق رہ گئے ہیں‘۔

واضح رہے کہ گزشتہ دنوں یاسر شاہ کے قریبی دوست فرحان کے خلاف 14 سالہ لڑکی کے ساتھ مبینہ زیادتی کیس کا مقدمہ اسلام آباد کے تھانہ شالیمار میں درج کیا گیا ہے۔

اس کیس میں یاسر شاہ کے خلاف بھی سنگین الزامات عائد کیے گئے ہیں جس میں ملزم کو معاونت فراہم کرنا شامل ہے جبکہ مقدمے میں لڑکی نے الزام عائد کیا ہے کہ یاسر شاہ انہیں دھمکیاں بھی دیتے رہے ہیں۔

لڑکی کی جانب سے الزام عائد کیا گیا ہے فرحان نامی شخص نے گن پوائنٹ پر انہیں زیادتی کانشانہ بنایا اور اس دوران وہ ان کی ویڈیوز بھی بناتا رہا جبکہ لڑکی کا کہنا ہے کہ یاسر شاہ نے اپنے دوست کی بھرپور معانت کی اور ویڈیوز وائرل کرنے کی بھی دھمکیاں دیں۔

خیال رہے کہ یاسر شاہ پر ایسے الزامات سامنے آنے کے بعد چیئرمین پی سی بی رمیز راجہ نے ردعمل دیتے ہوئے کہا تھا کہ ایسے واقعات سے بورڈ کی بدنامی ہوتی ہے جبکہ انہوں نے اس واقعہ کو افسوس ناک بھی قرار دیا تھا۔