قومی کرکٹ ٹیم کے فاسٹ بولر شاہ نواز دھانی کی قذافی اسٹیڈیم میں کرسیاں صاف کرنے کی ویڈیو وائرل ہوگئی ہے۔

قومی کرکٹ ٹیم کے فاسٹ بولر شاہ نواز دھانی کی پی ایس ایل 7 کے دوران قذافی اسٹیڈیم میں کرسیاں صاف کرنے کی ویڈیو وائرل ہوئی ہے۔

ویڈیو میں انہیں ٹریننگ سیشن کے دوران کرسیاں صاف کرتے دکھا گیا ہے جبکہ ان کی ویڈیو کو ساتھی کھلاڑی صہیب مسعود کی جانب سے سوشل میڈیا پر شیئر کیا گیا ہے۔

واضح رہے کہ شاہ نواز دھانی کی اس سے قبل ملتان سلطانز کے دیگر کھلاڑیوں کے ساتھ جن میں غٖیر ملکی کھلاڑی بھی شامل ہیں، سندھی اجرک پہن کر ڈانس کی ویڈیو بھی سوشل میڈیا پر وائرل ہوئی تھی۔

یاد رہے کہ شاہ نواز دھانی پی ایس ایل 7 میں ملتان سلطانز کی نمائندگی کررہے ہیں جس کی ٹریننگ سیشن کے دوران انہیں کرسیاں صاف کرتے دیکھا گیا ہے۔

شاہ نواز دھانی پی ایس ایل 7 میں ملتان سلطانز کی جانب سے اب تک 4 میچز کھیل چکے ہیں جس میں انہوں نے 5 وکٹیں حاصل کی ہیں جبکہ پشاور زلمی کے خلاف میچ میں انہوں نے 3 وکٹیں حاصل کیں تھیں۔

یہ بھی پڑھیں: عمران طاہر کی شاہنواز دھانی کیساتھ سندھی بولنے کی ویڈیو وائرل

دوسری جانب پی ایس ایل 7 کا پہلا مرحلہ کراچی میں اختتام پذیر ہوگیا ہے جبکہ دوسرے مرحلے کا آغاز لاہور کے قذافی اسٹیڈیم میں کھیلا جائے گا۔