لاہور: پی ایس ایل 7 میں آج کراچی کا مقابلہ اسلام آباد یونائیٹڈ سے ہوگا۔

پاکستان سپر لیگ (پی ایس ایل) سیزن سیون کے دوسرے مرحلے کے میچز جاری ہیں جس کا اکیسواں میچ آج کھیلا جائے گا۔

آج کا مقابلہ کراچی کنگز اور اسلام آباد یونائیٹڈ کے درمیان کھیلا جائے گا جو کہ پاکستانی وقت کے مطابق شام 7:30 بجے شروع ہوگا۔

کراچی کنگز ایونٹ میں اب تک 6 میچز کھیل چکی ہے جس میں انہیں کامیابی حاصل نہیں ہوسکی ہے اسلام آباد یونائیٹڈ 6 میچز میں سے صرف 3 میچ ہی جیت سکی ہے۔

کراچی کنگز کا پوائنٹس ٹیبل پر آخری جبکہ اسلام آباد یونائیٹڈ  کا 6 پوائنٹس کے ساتھ تیسرا نمبر ہے۔

پوائنٹس ٹیبل پر ملتان سلطانز کی ٹیم 12 پوائنٹس کے ساتھ پہلے نمبر پر جبکہ لاہور قلندرز کی ٹیم 10 پوائنٹس کے ساتھ دوسرے نمبر پر ہے۔

ٹیبل پر اسلام آباد یونائیٹڈ، کوئٹہ گلیڈی ایٹرز اور پشاور زلمی کے 6، 6 پوائنٹس ہیں جبکہ نیٹ رن ریٹ کی وجہ سے یہ بالترتیب تیسرے، چوتھے اور پانچویں نمبر پر ہیں

یہ بھی پڑھیں: پی ایس ایل 7 میں کراچی کنگز کے لیے کیا غلط ہوا؟

یاد رہے کہ گزشتہ روز پاکستان سپر لیگ (پی ایس ایل) سیون کے چھٹے میچ میں بھی کراچی کنگز کو ہار کا مزہ چکھنا پڑا، اسے پشاور زلمی نے 55 رنز سے زیر کردیا۔

لاہور کے قذافی اسٹیڈیم میں کھیلے جانے والے اس میچ میں پشاور زلمی نے کراچی کنگز کو جیت کے لیے 194 رنز کا ہدف دیا تھا۔

ہدف کے تعاقب میں کراچی کنگز کی ٹیم مقررہ 20 اوررز میں 6 وکٹوں کے نقصان پر 138 رنز ہی بناسکی۔

خیال رہے کہ کراچی کنگز نے پشاور زلمی کے خلاف ٹاس جیت کر پہلے بولنگ کرنے کا فیصلہ کیا تھا۔