لاہور: پاکستان اور آسٹریلیا کے درمیان کھیلی جانے والی ٹیسٹ سیریز کے لیے آن لائن ٹکٹ کی فروخت کچھ دیر میں شروع ہوگی۔

پاکستان کرکٹ بورڈ (پی سی بی) کا کہنا ہے پاکستان اور آسٹریلیا کے درمیان کھیلی جانے والی ٹیسٹ سیریز کے لیے ٹکٹ آن لائن دستیاب ہوں گے جس کی فروخت کچھ دیر میں شروع ہوجائے گی۔

ٹیسٹ میچ کے لئے وی آئی پی پانچ سو جبکہ پریمئیم انکلوژرکا  ٹکٹ سو روپے کا رکھا گیا ہے۔

واضح رہے کہ پاکستان اور آسٹریلیا کے درمیان ٹیسٹ سیریز کا آغاز 4 مارچ سے ہوگا جس کا پہلا میچ 4 سے 8 مارچ کے دوران راولپنڈی میں کھیلا جائے گا۔

ٹیسٹ سیریز میں شامل دوسرا میچ 12 سے 16 مارچ کے دوران کراچی میں کھیلا جائے گا جبکہ تیسرا اورآخری میچ 21 سے 25 مارچ کے دوران لاہور کے قذافی اسٹیڈیم میں کھیلا جائے گا۔

علاوہ ازیں آسٹریلیا کے دورے پاکستان کے دوران 3 ون ڈے میچز پر مشتمل سیریز بھی کھیلی جائے گی جس کا پہلا میچ 29 مارچ، دوسرا 31 مارچ اور تیسرا 2 اپریل کو کھیلا جائے۔

ون ڈے سیریز کے تینوں میچز راولپنڈٰی کرکٹ اسٹیڈیم میں ہی کھیلے جائیں گے جبکہ دونوں ٹیموں کے درمیان واحد ٹی ٹوئنٹی میچ بھی 5 اپریل کو راولپنڈی میں ہی کھیلا جائے گا۔