شاداب خان کی انجری کے باعث زاہد محمود اسلام آباد یونائیٹڈ کا حصہ بن گئے ہیں۔

تفصیلات کے مطابق اسلام آباد یونائیٹڈ نے کپتان شاداب خان کی انجری کے باعث زاہد محمود کو ان کے بیک اپ کے طور پر ٹیم میں شامل کرلیا ہے۔

اسلام آباد یونائیٹڈ  کے کپتان شاداب خان اور ایمرجنگ فاسٹ بالر ذیشان ضمیر کل کے میچ سے باہر ہوگئے ہیں۔ کل اسلام باد یونائیٹڈ اور پشاور زلمی کے درمیان مقابلہ ہو گا۔

ترجمان اسلام آباد یونائیٹڈ کا کہنا ہے کہ دونوں کھلاڑیوں کی میڈیکل رپورٹس ابھی موصول ہوئی ہیں میڈیکل پینل جلد مزید تفصیل سے آگاہ کرے گا۔

واضح رہے کہ دونوں کھلاڑی کراچی کنگز کے خلاف میچ  میں انجری کا شکار ہوئے تھے۔  شاداب خان گروئن انجری جبکہ ذیشان ضمیر سائیڈ اسٹرین  انجری کا شکار ہیں۔