بنگلا دیش نے عفیف حسین اور مہدی حسن کی شاندار بیٹنگ کی بدولت پہلے ون ڈے میچ میں افغانستان کو شکست دے دی۔

چٹوگرم میں کھیلے گئے میچ میں 216 رنز کے ہدف کے تعاقب میں بنگلا دیش ٹیم صرف 45 رنز پر 6 وکٹیں گنواکر شدید مشکلات کا شکار ہوگئی تھی۔

ایسے میں عفیف حسین اور مہدی حسن نے ون ڈے کی تاریخ میں ساتویں وکٹ پر 174 رنز کی دوسری بڑی شراکت قائم کرکے ٹیم کو 4 وکٹوں سے فتح دلوادی۔

1⃣7⃣4⃣*

Advertisement

Afif Hossain 🤝 Mehidy Hasan

The second-highest partnership for the seventh wicket in men's ODIs 🔥#BANvAFG pic.twitter.com/1kI2gF9imj

— ICC (@ICC) February 23, 2022

عفیف حسین 93 اور مہدی حسن 81 رنز بناکر ناقابل شکست رہے۔

Advertisement

From 45/6 ➡️ 219/6

Afif Hossain and Mehidy Hasan guide Bangladesh to a dream win over Afghanistan. #BANvAFG | 📝 https://www.bolnews.com/urdu/sports/2022/02/712820/amp/ pic.twitter.com/6SMiaCB60V

— ICC (@ICC) February 23, 2022

شکیب الحسن 10، کپتان تمیم اقبال اور محمود اللہ 8،8، مشفق الرحیم 3، لٹن داس ایک اور یاسر علی بغیر کوئی رن بنائے آؤٹ ہوئے۔

افغانستان کی جانب سے فضل حق فاروقی نے 4 جبکہ مجیب الرحمان اور راشد خان نے ایک ایک وکٹ حاصل کی۔

What a win for Bangladesh 🇧🇩#BANvAFG pic.twitter.com/dQoHXiwYhh

— ICC (@ICC) February 23, 2022

اس سے قبل افغان  ٹیم ٹاس جیت کر پہلے بیٹنگ کرتے ہوئے 215 رنز بناکر آؤٹ ہوگئی تھی۔ افغانستان کی جانب سے واحد نصف سنچری نجیب اللہ زادران  نے اسکور کی، وہ 67 رنز بناکر آؤٹ ہوئے۔

رحمت شاہ 34، کپتان حشمت اللہ شاہدی 28 ،محمد نبی 20، ابراہیم زادران 19 ، گلبدین نائب 17، رحمان اللہ گرباز7، یامین احمدزئی 5 جبکہ مجیب الرحمان اور راشد خان بغیر کوئی رن بنائے آؤٹ ہوئے۔

بنگلادیش کی جانب سے مستفیض الرحمان نے 3 ، تسکین احمد، شورفل اسلام اور شکیب الحسن نے 2، 2 جبکہ محمود اللہ نے ایک وکٹ حاصل کی۔

بنگلادیش کو تین میچز کی سیریز میں 0-1 کی برتری حاصل ہوگئی ہے۔