لاہور: پی ایس ایل 7 کے دوسرے مرحلے کا آخری میچ آج لاہور قلندرز اور پشاور زلمی کی ٹیموں کے درمیان کھیلا جائے گا۔

پاکستان سپر لیگ (پی ایس ایل) سیزن کے دوسرے مرحلے کا آخری اور سیزن کا 30 واں میچ آج کھیلا جائے گا جس میں لاہور قلندرز اور پشاور زلمی کی ٹیمیں مدمقابل ہوں گی۔

آج لاہور قلندرز اور پشاور زلمی کے درمیان ہونے والا میچ پاکستانی وقت کے مطابق شام 7:30 بجے کھیلا جائے گا۔

واضح رہے کہ دونوں ٹیمیں اس سے قبل بھی مدمقابل آچکی ہیں جس میں لاہور قلندرز نے 29 رنز سے کامیابی حاصل کی تھی۔

اس میچ میں پشاورزلمی نے ٹاس جیت کر پہلے بولنگ کرنے کا فیصلہ کیا جو ان کے لیے فائدہ مند ثابت نہ ہوا اور لاہور قلندرز نے پہلے بیٹنگ کرتے ہوئے 5 وکٹوں پر 199 رنز اسکور کردیے۔

جواب میں پشاور زلمی مقررہ 20 اوورز میں 9 وکٹوں کے نقصان پر 170 رنز ہی اسکور کرسکی تھی۔

اس میچ میں بہترین کھلاڑی کا اعزاز لاہور کے زمان خان نے حاصل کیا تھا جس میں انہوں نے 32 رنز دے کر 3 کھلاڑیوں کو پویلین کی راہ دکھائی تھی۔