سابق جرمن ہاکی لیجنڈ اسٹیفن بلوشر نے قومی ہاکی تربیتی کیمپ کا دورہ کیا ہے۔

سابق جرمن ہاکی لیجنڈ اسٹیفن بلوشر نے قومی ہاکی تربیتی کیمپ کا دورہ کیا جبکہ اس موقع پر سیکرٹری آصف باجوہ، چیئرمین سلیکشن کمیٹی منظور جونیئر بھی موجود تھے۔

انہوں نے تربیتی کیمپ کے کھلاڑیوں کا حوصلہ بڑھایا اور کھیل کی مہارتوں پر لیکچر بھی دیا۔

اس موقع پر اسٹیفن بلوشر کا کہنا تھا کہ پاکستان کو سیگفرائیڈ ایکمین کی صورت میں بہترین کوچ کی خدمات حاصل ہیں۔ پاکستان نے ہاکی میں راج کیا ہے اور اسٹار کھلاڑی پیدا کیے ہیں۔

سابق جرمن ہاکی لیجنڈ نے کہا کہ امید کرتا ہوں کہ پاکستان ہاکی کے میدانوں میں ایک بار پھر جگمگائے گا۔

انہوں نے مزید کہا کہ پی ایچ ایف کی جانب سے ہاکی کی بہتری کے اقدامات قابل تعریف ہیں جس سے بہتر نتائج آئیں گے۔