راولپنڈی: پاکستانی اوپنر امام الحق نے آسٹریلیا کے خلاف شاندار سنچری اسکور کرلی ہے۔

پاکستان اور آسٹریلیا کے درمیان ہونے والی ٹیسٹ سیریز کا پہلا میچ آج راولپنڈی کرکٹ اسٹیڈٰیم میں کھیلا جارہا ہے جس میں پاکستان نے ٹاس جیت کر پہلے بیٹنگ کرنے کا فیصلہ کیا۔

🤩#BoysReadyHain l #PAKvAUS pic.twitter.com/i8dPy6PwEc

— Pakistan Cricket (@TheRealPCB) March 4, 2022

بیٹنگ کا آغاز پاکستانی اوپنر امام الحق اور عبداللہ شفیق نے کیا اور دونوں کھلاڑیوں نے  ٹیم کو شاندار آغاز فراہم کیا اور 105 رنز کی پارٹنرشپ قائم کی۔

بعد ازاں عبداللہ شفیق پیٹ کمنز کی گیند پر نیتھن لیون کو کیچ دے بیٹھے، عبداللہ شفیق نے 105 گیندوں پر 44 رنز اسکور کیے جس میں ان کے 3 چوکے اور ایک چھکا شامل ہے۔

یہ بھی پڑھیں: پاک آسٹریلیا ٹیسٹ سیریز: پنڈی ٹیسٹ کے سیکیورٹی انتظامات مکمل

دوسرے ہینڈ پر موجود امام الحق نے وکٹ کو سنبھالا اوران کا ساتھ سابق کپتان اظہر علی نے دیا جبکہ اظہر علی نے نصف سنچری کے ساتھ 113 گیندیں کھیل کر 50 رنز اسکورکیے ہیں اورناٹ آؤٹ ہیں۔

Advertisement

5️⃣0️⃣ comes up for Azhar 🙌🏼 #BoysReadyHain l #PAKvAUS pic.twitter.com/83suSBsGks

— Pakistan Cricket (@TheRealPCB) March 4, 2022

پنڈی ٹیسٹ کے پہلے دن کے مرد میدان امام الحق نے شاندار کھیل کا مظاہرہ کرتے ہوئے 233 گیندوں پر سنچری کی بدولت 118 رنز اسکور کرلیے ہیں جس میں ان کے 14 چوکے اور 2 چھکے شامل ہیں۔

A Test ton to his name, and it’s only Day 1. Congratulations, Imam 👏🏼 #BoysReadyHain l #PAKvAUS pic.twitter.com/cJJAkGiGDg

Advertisement

— Pakistan Cricket (@TheRealPCB) March 4, 2022

پاکستان ٹیم نے پہلے دن کے کھیل میں 76 اوورز کے اختتام تک 219 اسکور کرلیے ہیں جبکہ پاکستان کا اب تک صرف ایک آؤٹ ہوا ہے۔

پاکستان اسکواڈ

پنڈی ٹیسٹ میں پاکستان کی جانب سے کپتان بابر اعظم، امام الحق، عبداللہ شفیق، اظہر علی، فواد عالم، افتخار احمد، وکٹ کیپر محمد رضوان، نعمان علی، ساجد خان، شاہین شاہ آفریدی اور نسیم شاہ کھیلیں گے۔

Advertisement

Pakistan won the toss and elected to bat! #BoysReadyHain l #PAKvAUS pic.twitter.com/LkPbX9j3Vp

— Pakistan Cricket (@TheRealPCB) March 4, 2022

واضح رہے کہ 24 سال بعد آسٹریلیا کرکٹ ٹیم آج پاکستان کی سرزمین پر کھیل رہی ہے جبکہ اس سے قبل انہوں نے 1998 میں پاکستان کا دورہ کیا تھا۔

یہ بھی پڑھیں: میچ سے ایک روز قبل فواد عالم کا اظہر علی سے ناراضگی کا اظہار

آسٹریلیا اپنے دورہ پاکستان میں 3 ٹیسٹ میچز پر مشتمل سیریز کھیلے گی جبکہ دونوں ٹیموں کے مابین 3 ون ڈے میچز پر مشتمل سیریز بھی کھیلی  جائے گی۔

علاوہ ازیں آسٹریلیا کرکٹ ٹیم اس دورے میں ایک ٹی ٹوئنٹی میچ بھی کھیلے گی جس کے بعد آسٹریلیا کا دورہ پاکستان اختتام پذیر ہوگا۔