کیا آپ پاکستان کے ایسے بولر کو جانتے ہیں جس نے صرف  1 رن دے کر آسٹریلیا کی7 وکٹیں اڑائی تھیں۔

 آج ہم آپ کو بتائیں کے پاکستان کے ایسے بولر کے بارے میں جسے صرف 1 رن دے کر آسٹریلیا کی7 وکٹیں اڑانے کا اعزاز حاصل ہے۔

جی ہاں، ہم بات کررہے ہیں پاکستان کے سابق فاسٹ بولر سرفراز نواز کی، جنہوں نے اپنی تیز اور گھومتی گیندوں سے آسٹریلیا کرکٹ ٹیم کے چھکے چھڑا دیے تھے۔

پاکستان ٹیم 43 سال قبل 1979 میں مشتاق محمد کی قیادت میں آسٹریلیا کے دورے پر گئی، اس موقع پر میلبرن میں پہلا ٹیسٹ کھیلا گیا جس کی دوسری اننگز میں ماجد خان کی شاندار سنچری کی بدولت پاکستان نے 353 رنز بناکر آسٹریلیا کو 382 رنز کا ہدف دیا۔

اس میچ میں  پانچویں دن چائے کے وقفے تک آسٹریلین کرکٹ ٹیم کا تین وکٹوں کے نقصان پر 305 رنز کا اسکور ہوچکا تھا اور بظاہر آسٹریلیا کو جیت کے لیے آسان ترین ہدف دکھائی دے رہا تھا۔

دوسری جانب پاکستانی کھلاڑیوں میں مایوسی کا عالم تھا اوربولرز بھی جیت کی امید کھو بیٹھے تھے لیکن ایسے موقع پر سرفراز نواز کے دل میں نجانے کیا آیا اور انہوں نے بول تھام کر کپتان سے کہا کہ ’اب تیار ہوجاؤ‘۔

اور پھر کیا تھا جوں ہی سرفراز نے بول تھامی اور گیند کروانا شروع کی تو آسٹریلیا کی پوری ٹیم یکے بعد دیگرےآؤٹ ہوتی چلی گئی۔

یوں تو سرفراز نواز 30 سے 35 قدم کا رن اپ لے کر گیند کروایا کرتے تھے لیکن اس دن انہوں نے چھوٹے سے رن اپ سے گیند کروائی اورآسٹریلوی کھلاڑیوں کو نانی یاد کروادی۔

اس دن سرفراز نواز نے صرف ’ایک رن دے کر آسٹریلیا کے 7 کھلاڑیوں کو آؤٹ کیا تھا‘ اوریوں پاکستان بھی ہارتا ہوا میچ جیت گیا تھا۔