تیسرے ٹیسٹ میچ میں ویسٹ انڈیز کی شاندار بولنگ کے سبب انگلینڈ کی پوری ٹیم 204 رنز پر ڈھیر ہوگئی۔

سینٹ جارج میں کھیلے جارہے ٹیسٹ میچ میں ویسٹ انڈیز نے ٹاس جیت کر پہلے فیلڈنگ کرنے کا فیصلہ کیا جو درست ثابت ہوا۔

ویسٹ انڈیز نے شاندار بولنگ کا مظاہرہ کرتے ہوئے انگلش بلے بازوں کو جم کر نہ کھیلنے دیا۔انگلینڈ کے چھ اہم بلے باز ڈبل فیگرز میں داخل ہی نہ ہوسکے ۔

https://twitter.com/ICC/status/1507110183482413059

ایلکس لیس 31، کرس ووکس 25، کریگ اوورٹن 14، ڈین لورنس 8، زیک کرولی اور بین فوکس 7،7 ، بین اسٹوکس 2  جبکہ کپتان جو روٹ اور جونی بیئر اسٹو بغیر کوئی رن بنائے آؤٹ ہوئے۔

انگلینڈ کی9 وکٹیں 114 رنز پر گرنے کے  بعد دسویں وکٹ پر جیک لیچ اور ثاقب محمود نے 90 رنز کی شراکت قائم کی۔ثاقب محمود دن کے آخری اوور میں 49 رنز بناکر آؤٹ ہوئے جبکہ جیک لیچ 41 رنز پر ناٹ آؤٹ رہے۔

https://twitter.com/ICC/status/1507117592363900931

ویسٹ انڈیز کی جانب سے جیڈن سیلز نے 3، کیمار روچ، کائل مایرز  اور الزاری جوزف نے 2،2 جبکہ جرمین بلیک ووڈ  نے ایک وکٹ حاصل کی۔

واضح رہے کہ اس سے قبل کھیلے گئے دونوں ٹیسٹ میچز ڈرا ہوگئے تھے۔