بھارتی کرکٹ ٹیم نے ویرات کوہلی کو 100 واں  ٹیسٹ میچ کھیلنے پر زبردست خراج تحسین پیش کیا۔

سری لنکا کے خلاف جاری ٹیسٹ میچ بھارت کے بہترین بلے باز ویرات کوہلی کا 100 واں ٹیسٹ میچ ہے۔

ویرات کوہلی نے بھارت کے لیے کئی یادگار اننگز کھیلی ہیں۔ انہوں نے 99 ٹیسٹ میچز میں 27 سنچریز اور 28 نصف سنچریز کی بدولت 50.39 کی اوسط سے 7962 رنز بنارکھے ہیں۔

یہ بھی پڑھیں: موہالی ٹیسٹ: جدیجا کے ناقابل شکست 175 رنز ،بھارت کی پہلی اننگز 574 رنز پر ڈکلیئر

ویرات کوہلی نے بطور کپتان اپنا پہلا ٹیسٹ میچ 2014 میں آسٹریلیا کے خلاف  کھیلا تھا جس میں انہوں نے شاندار سنچری اسکور کی تھی جبکہ انہیں مستقل کپتان 2015 میں مہندرا سنگھ دھونی کی ریٹائرمنٹ کے بعد بنایا گیا تھا۔

The smile on @imVkohli's face says it all.#TeamIndia give him a Guard of Honour on his landmark Test.#VK100 @Paytm #INDvSL pic.twitter.com/Nwn8ReLNUV

— BCCI (@BCCI) March 5, 2022

تاہم 2019 سے کیریئر میں اتار چڑھاؤ  کے باعث پیدا ہونے والی مشکلات کے سبب بالآخر انہوں نے رواں برس جنوری میں جنوبی افریقا سے 1-2 سے ٹیسٹ سیریز ہارنے کے بعد کپتانی سے استعفیٰ دے دیا تھا۔

سچن ٹنڈولکر کے بعد بھارت کے سب سے کامیاب بلے باز سمجھے جانے والے ویرات کوہلی نومبر 2019 کے بعد سے کوئی انٹرنیشنل سنچری اسکور نہیں کرسکے ہیں۔

ویرات کوہلی کے مداح ان کے 100ویں ٹیسٹ میں ان سے سنچری کی امید لگائے بیٹھے تھے تاہم وہ 45 رنز بناکر آؤٹ ہوگئے۔