لاہور: پاکستان کرکٹ ٹیم نے دوسرے ون ڈے سے قبل آج ہونے والا ٹیننگ سیشن منسوخ کردیا ہے۔

پاکستان کرکٹ بورڈ (پی سی بی) کی جانب سے بیان جاری کیا گیا ہے جس کے مطابق قومی ٹیم آج ٹریننگ سیشن نہیں کرے گی۔

واضح رہے کہ قومی ٹیم نے آج شام ساڑھے 4 بجے ٹریننگ سیشن کا اعلان کررکھا تھا جبکہ ٹریننگ سیشن کی منسوخی کے حوالے سے تاحال کوئی وجہ سامنے نہیں آسکی ہے۔

خیال رہے کہ پاکستان اور آسٹریلیا کے درمیان تین ون ڈے میچز پر مشتمل سیریز جاری جس کا پہلا میچ گذشتہ روز کھیلا گیا۔

پہلے ون ڈے میں آسٹریلیا نے پاکستان کو 88 رنز سے شکست دی تھی جبکہ دوسرا میچ کل کھیلا جانا ہے جبکہ سیریز کا تیسرا اور آخری میچ 2 اپریل کو ہوگا۔

وائٹ بال میچز میں شامل واحد ٹی ٹوئنٹی میچ دونوں ٹیمیں 5 اپریل کو کھیلیں گی جبکہ وائٹ بال کے تمام میچز لاہور کے قذافی اسٹیڈیم میں ہی کھیلے جائیں گے۔