آئی سی سی ٹیسٹ رینکنگ میں شاہین شاہ آفریدی کی چوتھی اور بابر اعظم کی نویں پوزیشن برقرار ہے۔

تفصیلات کے مطابق انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کردی ہے جس میں آسٹریلوی کھلاڑیوں کی حکمرانی برقرار ہے۔

بلے بازوں کی فہرست میں آسٹریلیا کے مارنس لبوشین اور بالنگ میں پیٹ کمنز بدستور پہلی پوزیشنز پر موجود ہیں۔

بالر ز کی رینکنگ میں ابتدائی سات پوزیشنز میں کوئی تبدیلی واقع نہیں ہوئی ہے۔

آسٹریلیا کے پیٹ کمنز پہلی، بھارت کے روی چندرن ایشون دوسری،جنوبی افریقا کے کگیسو رباداتیسری، پاکستان کے شاہین شاہ آفریدی چوتھی، نیوزی لینڈ کے کائل جیمیسن  کی پانچویں، ٹم ساؤتھی کی چھٹی اور انگلینڈ کے جیمز اینڈرسن کی ساتویں پوزیشن برقرار ہے۔

نیوزی لینڈ کے نیل ویگنر ایک درجے ترقی سے آٹھویں  جبکہ آسٹریلیا کے جوش ہیزل ووڈایک درجے تنزلی سے نویں پوزیشن پر چلے گئے، بھارت کے جسپریت بمراہ کی دسویں پوزیشن برقرار ہے۔

Jadeja reaches the summit 👑
Kohli, Pant move up ⬆️

Some big movements in the latest update to the @MRFWorldwide ICC Men's Test Player rankings 📈

Details 👉 https://www.bolnews.com/urdu/sports/2022/03/515142/amp/ pic.twitter.com/U4dfnrmLmE

— ICC (@ICC) March 9, 2022

بلے بازوں کی فہرست میں آسٹریلیا کے مارنس لبو شین پہلی، انگلینڈ کے جو روٹ دوسری، آسٹریلیا کے اسٹیو اسمتھ تیسری اور نیوزی لینڈ کے کین ولیمسن کی چوتھی پوزیشن برقرار ہے۔

بھارت کے ویرات کوہلی دو درجے ترقی کے ساتھ پانچویں نمبر پر آ گئے جبکہ بھارت کے روہت شرما ایک درجے اور آسٹریلیا کے ٹریوس ہیڈ دو درجے تنزلی سے بالترتیب چھٹی اور ساتویں پوزیشن پر چلے گئے۔

سری لنکا کے دیموتھ کرونا رتنے کی آٹھویں اور پاکستان کے بابر اعظم کی نویں پوزیشن برقرار ہے جبکہ بھارت کے ریشابھ پانت ایک درجے ترقی پاکر دسویں پوزیشن پر آگئے۔

آل راؤنڈرز کی رینکنگ میں بھارت کے رویندرا جدیجہ  دو درجے ترقی پاکر پہلے نمبر پر آ گئے ہیں جبکہ ویسٹ انڈیز کے ویسٹ انڈیز کے جیسن ہولڈر اور بھارت کے روی چندرن ایشون ایک ایک درجے تنزلی کے بعد بالترتیب دوسری اور تیسری پوزیشن پر چلے گئے ہیں۔