آئی سی سی ٹیسٹ رینکنگ میں قومی کپتان بابر اعظم پانچویں پوزیشن پر آگئے۔

انٹرنیشنل کرکٹ کونسل (آئی سی سی) نے ٹیسٹ کی نئی رینکنگ جاری کردی ہے  جس میں بابر اعظم  تین درجے ترقی پاکر آٹھویں سے پانچویں پوزیشن پر آگئے ہیں۔

آسٹریلیا کے مارنس لبوشین کی پہلی، انگلینڈ کے جو روٹ کی دوسری، آسٹریلیا کے اسٹیو اسمتھ کی تیسری اور نیوزی لینڈ کے کین ولیمسن کی چوتھی پوزیشن برقرار ہے۔

سری لنکا کے دیموتھ کرونارتنے، بھارت  کے روہت شرما اور آسٹریلیا کے ٹریوس ہیڈ ایک ایک درجے تنزلی سے بالترتیب چھٹی سے آٹھویں پوزیشن پر چلے گئے ہیں۔

بھارت کے ویرات کوہلی کی نویں اور ریشابھ پانت کی دسویں پوزیشن برقرار ہے۔

https://twitter.com/ICC/status/1506554646315294725

بولنگ میں آسٹریلیا کے پیٹ کمنز کی پہلی، بھارت کے روی چندرن ایشون کی ودسری، جنوبی افریقا کے کگیسو ربا دا کی تیسری، بھارت کے جسپریت بمراہ کی چوتھی اور نیوزی لینڈ کے کائل جیمیسن کی پانچویں پوزیشن برقرارہے۔

پاکستان کے شاہین شاہ آفریدی چھٹی اور نیوزی لینڈ کے ٹم ساؤتھی ساتویں پوزیشن پر موجود ہیں۔

نیوزی لینڈ کےنیل ویگنر ایک درجہ ترقی پاکر آٹھویں پوزیشن پر آگئے اور انگلینڈ کے جیمز اینڈرسن آٹھویں سے نویں پوزیشن پر چلے گئے۔آسٹریلیا کے جوش ہیزل ووڈ کی دسویں پوزیشن برقرار ہے۔

آل راؤنڈرز میں بھارت کے رویندرا جدیجا ویسٹ انڈیز کے جیسن ہولڈر  کی جگہ پہلی پوزیشن پر آگئے ہیں۔بھارت کے  روی چندرن ایشون کی تیسری پوزیشن برقرار ہے۔