قومی ٹیم کے بیٹنگ کوچ محمد یوسف کچھ وقت کے لئے قومی اسکواڈ سے الگ ہوگئے۔

سابق کرکٹر اور قومی ٹیم کے بیٹنگ کوچ محمد یوسف اپنی بیٹی کی شادی کی وجہ سے اسکواڈ سے الگ ہوئے ہیں۔

پاکستانی کرکٹ بورڈ کا کہنا ہے کہ محمد یوسف لاہور ٹیسٹ کے دوران دوبارہ قومی اسکواڈ کو جوائن کریں گے۔

واضح رہے کہ پاکستان اور آسٹریلیا کے درمیان جاری ٹیسٹ سیریز کا تیسرا اور آخری ٹیسٹ میچ 21 مارچ سے لاہور میں کھیلا جائے گا۔

یاد رہے کہ آسٹریلیا نے کراچی ٹیسٹ کے چوتھے روز  قومی ٹیم کو 506 رنز کا ہدف دیاتھا لیکن بابراعظم، عبداللہ شفیق اور محمد  رضوان کی شاندار کارکردگی کی بدولت پاکستان  ٹیم ٹیسٹ ڈرا کرنے میں کامیاب ہوگئی۔

اس سے قبل سیریز کے کھیلے گئے راولپنڈی ٹیسٹ بھی ڈرا ہوئے ہیں۔